NEWS ALERT!!!TMAA YAOKOA BILIONI 15 ZA MADINI, YAPONGEZWA

Afisa Habari wa Wakala wa Ukaguzi wa Madini nchini (TMAA), Mhandisi Yesambi Shiwa (Kulia) akitoa maelezo juu ya utendaji kazi wa TMAA kwa Naibu Katibu Mkuu, Ofisi ya Rais, Menejimenti ya Utumishi wa Umma, Bw. Hab Mkwizu (Kushoto) wakati alipotembelea kwenye Banda la TMAA wakati wa Maadhimisho ya Utumishi wa Umma katika Viwanja vya Mnazi Mmoja, jijini Dar es Salaam.

Naibu Katibu Mkuu, Ofisi ya Rais, Menejimenti ya Utumishi wa Umma, Bw. Hab Mkwizu (Kushoto) akizungumza na watumishi wa Wakala wa Ukaguzi wa Madini (TMAA) alipowatembelea kwenye Banda lao. Wanaomsikiliza ni Afisa Habari, Mhandisi Yesambi Shiwa (Kulia) na Afisa Utumishi, Bibi Fatma Chondo (Katikati).

 Makaa ya mawe yakioneshwa kwenye Banda la TMAA wakati wa Maadhimisho ya Utumishi wa Umma katika Viwanja vya Mnazi Mmoja, jijini Dar es Salaam.

Wakala wa ukaguzi wa madini nchini (TMAA) umeanikiwa  kuokoa kiasi kikubwa cha madini yaliyokuwa yakitoroshwa kinyemela katika viwanja vya ndege nchini.

Naibu Katibu Mkuu, Ofisi ya Rais, Menejimenti ya Utumishi wa Umma, Bw. Hab Mkwizu amesema kuwa (TMAA) imeokoa  zaidi ya bilioni 15 zilizolipwa kama mrahaba tangu ilipoanzisha ukaguzi maalum kwa wasafiri waendao nje ya nchi.

Bw Mkwizu amesema hayo alipokuwa akikagua utendaji kazi wa Wakala katika maonesho ya maadhimisho ya Wiki ya Utumishi wa Umma yanayofanyika katika Viwanja vya Mnazi Mmoja jijini Dar es Salaam.

Amesema kuwa kwa muda mrefu sasa wafanyabiashara wasio waaminifu wamekuwa wakiitia hasara Serikali kwa kukwepa ulipaji wa kodi wa madini yaendayo nje ya Tanzania kinyume na utaratibu uliowekwa.

Naibu Katibu Mkuu Mkwizu amewasihi viongozi na watumishi wa Wakala kuongeza uchapaji kazi na uzalendo ili kukomesha kabisa tabia ya wafanyabiashara hao wasio waaminifu.

Afisa Habari wa Wakala hiyo, Mhandisi Yisambi Shiwa, amesema kuwa bilioni madini yenye thamani ya shilingi 15.3yaliokolewa katika kipindicha mwaka mmoja, baada ya tambulisha mpangokazi mpya wa ukaguzi wa ziada katika viwanja vya ndege vikubwa vya Dar es Salaam, Kilimanjaro na Mwanza, na kubaini wafanyabiashara wasio waaminifu. 

Wakala wa Ukaguzi wa Madini Tanzania ni Wakala wa Serikali ulioanzishwa Novemba 2009, chini ya Sheria ya Wakala wa Serikali, Sura ya 245. Kwa lengo la kuhakikisha  serikali inapata mapato stahiki kutoka kwenye shughuli za uzalishaji na biashara ya madini nchini.

 

Na Mwanaharakati.