WANACHAMA WA CUF WAPIGANA NGUMI NA KUVURUGA UCHAGUZI HUKO GEITA

Wanachama CUF wilayani Geita mkoani Geita  kimerushiana ngumi na baadhi ya wajumbe wa mkutano mkuu wa chama na kusababisha kuairisha uchaguzi baada ya kutuhumiana kuwepo na mamluki katika ukumbi wa uchaguzi.

Tukio hilo limetokea juzi katika ukumbi wa classic mjini hapo baada ya pande mbili zinazovutana kati ya katibu wa sasa Jovin Mtagwaba na wa zamani Severine Malugu kwa wafuasi wao kutaka mtu wao apite hivyo kutuhumiana kuwepo kwa kata ambazo hazina wajumbe halali huku waliopo wakizidi idadi yao.

Katibu wa wilaya Jovin Mtagwaba alipoulizwa kuhusu kutofanyika kwa uchaguzi huo alisema kuwa kilichokuwa kinafanyika ni uhakiki wa wajumbe kwanza ambao unafanywa na msimamizi wa uchaguzi,pili ni kusoma taarifa ya chama na tatu kujiuzuru uongozi, kwa hiyo ulipoanza uhakiki baadhi ya kata za Katoma,Nyachiluluma,Nzera na Nkome hazikuwa zimeleta taarifa za uchaguzi wa kata zao wilayani ili tuzitambue na badala yake taarifa walizipeleka taifani.

Naye Seveline Malugu mgombea katibu alisema kuwa’’ kuna baadhi ya kata kama za Nzera,Bulela,Kasamwa na Kalangalala hazina wajumbe halali wamepandikizwa tu kwa ajili ya kuharibu uchaguzi kwani kata hizo hazikufanya uchaguzi na hazina wananchama wa kutosha yaani hakina wanachama huko, sasa hawa wanacham wametoka wapi?’’

Kwa upande wa msimamizi wa uchaguzi kutoka makao makuu ya chama taifa Yusuph Mbungilo alisema kuwa uchaguzi umeairishwa hadi utakapotangazwa tena kutokana na taratibu za kiuchaguzi kutozingatiwa.

Baadhi ya wanachama wamedai kuwa kumekuwepo na mvutano baina ya pande mbili zinazovutana juu ya uongozi, kiasi kwamba kuwepo kwa mamluki ndani ya ukumbi ambapo majina yaliyokuwepo kwenye orodha walikuwa wakiitwa majina tofauti, mfano mwanaume anaitika mwanamke jambo lililowafanya kutoamini pande hizi mbili huenda zimeleta mamluki kwenye uchaguzi.

Na Mwanaharakati.