NEWS ALERT!!! SERIKALI WILAYANI NGARA YAOMBWA KUTOKWAMISHA MRADI WA JAMII KWA KUCHANGIA

Shirika la jambo Bukoba  mkoani  kagera linalofadhili ujenzi wa maktaba katika shule ya msingi Bihororo  wilayani Ngara limeiomba ofisi ya mkurugenzi wa halmashauri ya wilaya hiyo kuchangia baadhi ya vifaa katika maktaba hiyo.

Mratibu wa shirika hilo Bw Steven Gonzaga amesema hayo wakati wa ukaguzi wa jengo la maktaba hiyo iliyofadhiliwa kwa thamani ya Shilingi milioni nne ambapo jamii inachangia ujenzi huo kwa  asilimia 25 ya fedha iliyopangwa.

Bw Gonzaga amesema kuwa wananchi wa Buhororo wamekusanya mawe mchanga matofali na kokoto pamoja na  maji hivyo na  kwa kuwa fedha haitoshelezi halmashauri haina budi kusaidia ili maktaba ikamilike kwa wakati.

Hata hivyo mwakilishi wa Afisa elimu idara ya msingi wilayani  Ngara Bi Grensia Rwela ameshauri katika ujenzi huo pawekewe miundombinu rafiki ya watoto wenye mahitaji maalumu ili nao waweze kupata haki yao ya kuitumia maktaba. 

Na Mwanaharakati.