UKARABATI WA BARABARA, WAWAKERA WANANCHI BUKOBA VIJIJINI.

Wakaazi wa Kata Katoma Bukoba vijijini, wamelalamikia utaratibu wa halmashauri kuziba barabara inayotumiwa na kata mbalimbali za wilaya ya Bukoba na Misenyi.

Wakizungumza na mtandao huu kwa nyakati tofauti, wakazi hao wamesema kuwa wanashangaa kuona kumerundwa vifusi katika barabara ya Katoma- Ishozi kwa muda mrefu, huku serikali ikishindwa vikisambaza jambo ambalo pamoja na kuwazuia kusafirisha bidhaa zao kwa uraisi, pia imekuwa shida kwa kusababisha ajali za mara kwa mara. 

Wamesema hali hiyo imetokana na kutumika upande mmoja mdogo wa barabara uliosalia, kwani vifusi hivyo vya molam, vimerundwa katikati na kuachana nafasi ndogo ya watembea kwa mguu ambapo wanasema kuwa vifusi hivyo vimekaa kwa zaidi ya miezi miwili sasa.

Barabara hiyo hutumiwa na wakaazi wa Bukoba vijijini na wa wilaya ya Misenyi, kwa kata za Ishozi, Kanyigo na wanaoelekea mpakani mwa uganda upande wa Kiziba kwa kusafirishia bidhaa zao na mazao ya kilimo kama kahawa, ndizi na muhogo.

Jitihada za kutafuta uongozi wa halmashauri kuzungumzia hilo zinaendelea, ilhali tukimtafuta mkandarasi wa eneo hilo linalokadiriwa kuwa na urefu wa kilomita zaidi ya 10.

 Na Mwanaharakati.