UNDANI WA AJALI YA GARI ILIYOUA JANA KILIMANJARO

Watu wawili ambao hawajafahamika wamefariki dunia papohapo jana  mchana baada ya gari ndogo aina ya Carina waliyokuwa wakisafiria kugongana uso kwa uso na basi la kampuni ya Happy Nation wilayani Same Mkoani Kilimanjaro.

Ajali hiyo imetokea majira ya saa nane mchana katika kijiji cha Chekereni katika mji wa Hedaru Wilayani humo huku pia abiria wapatao wanne waliokuwepo katika basi hilo wakipata majeraha katika maeneo mbalimbali ya miili yao. 

Kwa mujibu wa mashuhuda wa ajali hiyo, gari hiyo ndogo yenye namba T 653 BZR iliyokuwa ikielekea mkoani Kilimanjaro ilitoka na kuingia upande wa kulia na ndipo ilipogongana na basi hilo lenye namba T 702 BUW lilikuwa likitokea mkoani Arusha.

Jeshi la Polisi Kitengo cha usalama Barabarani limefika eneo la tukio na kufanikiwa kutenganisha magari hayo, wakichukua kuku wakichukua viungo vya miili ya marehemu hao ambao hawatambuliki kutokana na kusagika vibaya.

Na Mwanaharakati.