CHUO CHA VETA GEITA KUTUMIA SHS.BIL 6.7

Mamlaka ya veta kanda ya ziwa imesema zaidi ya sh. bilion 6.7 zitatumika katika ujenzi wa chuo cha Mafunzo  ya Ufundi Stadi na Huduma katika  Mkoa wa Geita.

Kauli hiyo ilitolewa hivi kalibuni na Charles Kengele mchambuzi wa masoko wa Veta kanda ya ziwa , ambapo alisema mkoa wa Geita umetenga eneo la mita za mraba 272,700 eneo la Magogo takribani km 12 kutoka Geita mjini.

''Eneo hili limeshapimwa na mchakato wa kupata hati miliki unaendelea, mamlaka inatoa shukrani za dhati kwa uongozi wa Mkoa wa Geita ukiongozwa na Mkuu wa Mkoa Magalula Said kwa ushirikiano inayotupa''.alisema Kengele.

Katika hatua nyingine Kengele alisema kuwa serikali yaTanzania na Benki ya Maendeleo ya Afrika (ADB) zimekwisha tia sahihiya makubaliano ya kugharamia mradi wa ujenzi wa chuo hicho, ambapo ADB itatoa  zaidi ya sh. bilioni 5.7 huku serikali ya Tanzania itatoa sh. 9.4 milioni na kufanya mradi huo kuwa na thamani ya Shs. 6.7 bilioni.

Katika jukumu lake la kutoa elimu na mafunzo ya ufundi stadi, mamlaka inamiliki na kuendesha vyuo vya ufundi stadi vipatavyo 27 na chuo kimoja cha ualimu wa ufundi stad kilichopo manispaa ya mji wa  Morogoro.

Alisema Mamlaka ina vyuo  vya ufundi stadi vyenye hadhi vya mikoa katika mikoa yote Tanzania bara isipokuwa mikoa mipya ya Simiyu, Geita na Njombe huku Rukwa ikikosa chuo cha Mkoa baada ya chuo chake cha Mpanda kuwa kwenye mpaka wa Mkoa mpya wa Katavi.

 Kwaupande wake Mkuu wa Mkoa Geita Magalula Said aliipongeza mamlaka hiyo huku akiahidi kuwa mkoa wa Geita utashirikiana nao kikamilifu, ili kupanua wigo wa kuwawezesha vijana wengi kupata elimu na mafunzo ya ufundi stadi.

Na Mwanaharakati.