KONGAMANO LA KISWAHILI KITAIFA LINAENDELEA KAGERA;

Katibu tawala mkoani Kagera Bwana Nassor Mnambila amemwakilisha mkuu wa mkoa Fabian Massawe;

 Chini ni mtaalamu wa kiswahili na mchambuzi wa lugha hiyo kutoka Dar es salaam ambaye hata hivyo ni mpofu wa macho yupo akichambua Kiswahili.

 Hawa ni Baadhi ya washiriki wa kongamano hilo ambalo hata hivyo halikupata mwamko kutoka kwa wanakagera.

Jana jumamosi likafunguliwa kongamano la siku tatu katika manispaa ya Bukoba, ambalo hata hivyo linaendelea.

Lakini wakti huo Wananchi wamehimizwa kuienzi na kuitumia lugha  ya Kiswahili, katika kukuza mawasiliano baina yao na watu  wengine.
Aidha, vyombo vya habari, vinao wajibu wa kukuza na kuistawisha  lugha ya 

Kiswahili, kwa kuwa vinayo nafasi ya pekee  ya kuwafikia wananchi kwa haraka  zaidi.

Wito huo umetolewa na Katibu Tawala wa mkoa wa KAGERA, bwana NASSOR MNAMBILA, alipomwakilisha mkuu wa mkoa, katika hotuba hiyo mkuu huyo wa mkoa amesema  lugha ya Kiswahili  ni mhimili muhimu katika kukuza mshikamano wa kitaifa.

Amesema takriba Watu Milioni 259 duniani wanaitumia lugha ya Kiswahili, hivyo kuna umuhimu wa kuiendeleza lugha hiyo.

Aidha, ameipongeza Taasisi ya Taaluma ya Kiswahili-TATAKI, kwa jitihada zake katika kuikuza na kuistawisha lugha ya Kiswahili.

Profesa MUGYABUSO MULOKOZI,  kutoka Taasisi ya Taaluma ya Kiswahili, amesema kutumika kwa lugha ya Kiswahili katika mchakato wa kupata Katiba mpya ni kiashiria kizuri, kwa kuwa wananchi wengi watapata fursa ya kushiriki katika kuchangia mawazo yao.

Amewataka Watanzania kwa ujumla wao, waendelee kushinikiza  na kudai Kiswahili kitambuliwe kuwa lugha rasmi  ya kufundishia, na Kiingereza kisaidie.
Aidha, ameitaka serikali itunge Sera inayokitambua Kiswahili.