NEWS ALERT!!!UKAWA WASEMA HAWAKATAI MAZUNGUMZO YANAYOLENGA RASIMU YA PILI YA KATIBA

Mwenyekiti wa chama cha Demokrasia na maendeleo- Mh. Freeman Mbowe amesema Ukawa hauwezi kukataa mazungumzo isipokuwa wanaweza kukataa kushiriki bunge maalum la katiba endapo masharti waliyoyatoa hayatafanyiwa kazi ikiwemo kujadili rasimu ya pili ya katiba na si vinginevyo.

 

Mh Mbowe ameyasema hayo kwenye kikao cha kawaida cha kamati kuu ya Chadema ambacho kinatarajia kujadili ajenda 10 ikiwemo mwenendo mzima wa mchakato wa katiba ambapo amesema taifa linahitaji katiba mpya na kwamba hawako tayari kuingia uchaguzi mkuu kwa kutumia sheria,tume ya uchaguzi, na katiba ile ile ya zamani.

Aliyekuwa mjumbe wa tume ya mabadiliko ya katiba Mwesiga Baregu amemtaka rais Kikwete kuvaa joho la urais ili kunusuru mchakato huo huku akimtaka mwanasheria mkuu wa serikali kutoa ufafanuzi juu ya sheria ya mabadiliko ya katiba wananchi na wajumbe wa bunge maalum la katiba waielewe vizuri ili wasifanye maamuzi kinyume na sheria.

Kwa upande wao baadhi ya wajumbe wa kikao cha kamati kuu ya Chadema waliohudhuria  kikao hicho wamesema upatikanaji wa katiba mpya haupaswi kutumia mabavu na ubabe  isipokuwa ni kwa njia ya maridhiano ya pamoja na kuongeza kuwa endapo katiba mpya haitapatikana madhara yake ni makubwa kwa taifa hasa suala la uporaji wa rasilimali za nchi na uwajibikaji wa viongozi.

 

Na Mwanaharakati.