MAUAJI YA KIFUSI CHA MCHANGA NA MAWE BUKOBA; SOMA HABARI KALI

Mtu mmoja ameangukiwa na mawe na kufukiwa na kifusi cha mchanga katika milima ya Rwome kata ya kashai manispaa ya bukoba na kupoteza maisha hapo hapo.

Akizungumza na mtandao huu, mwenyekiti wa mtaa huo bwana PONSIAN WAMALA amesema kuwa katika shimo hilo alikuwemo vijana watatu ambapo wawili wamenusurika huku mmoja akipoteza maisha.

Bwana wamala amentaja aliyepoteza maisha kuwa ni ARISTIDES SEVELINI mkazi wa mtaa huo ambapo mwenyekiti amesema kuwa hakuacha mke wala watoto.

Amesema kuwa tukio hilo limetokea majira ya saa sita mchana ambapo vijana hao walikuwa wakiendelea na shughuli zao za kuchimba mchanga.

Bwana Wamala ameongeza kuwa kutokana na tukio hilo serikali ya mtaa imeamua kufunga maeneo hayo ili yasilete madhara zaidi.

Vikosi vya uokoaji vya zimamoto na polisi mkoa, vimesaidia kuchimbua mwili wa marehemu na kuupeleka chumba cha kuifadhia maiti mjini Bukoba kwa taratibu zaidi.

Akiongea katika mkutano wa hadhara mgombea ubunge kupiti CCM  Balozi KHAMIS KAGASHEKI ametoa pole kwa familia ya marehemu.

Balozi Kagasheki amesema kuwa yuko pamoja na familia ya kijana huyo katika kipindi hiki kigumu.

 

Na Mwanaharakati.