KAZI IMEANZA; OLE WAO WAKAGUZI

Kaimu mdhibiti na mkaguzi mkuu wa hesabu za Serikali  Bi Wendy Massoy, amewataka

wakaguzi wa ndani watumie weledi kufanya ukaguzi wa kina katika ofisi za serikali na mashirika nchini, wakati akifungua mafunzo ya program ya TEAMMATE kwa ajili ya wakaguzi kutoka Ofisi ya Taifa ya Ukaguzi na Wizara ya Fedha.

  

Bi Massoy amesema, viwango vya ukaguzi Kimataifa vinahitaji mkaguzi kuhifadhi taarifa zake za ukaguzi vizuri, ili kuwezesha mkaguzi mwingine kufikia hitimisho moja kulingana na kazi iliyofanywa na Mkaguzi wa awali.

Programu ya TEAMMATE uwawezesha wakaguzi kuhifadhi taarifa zake za ukaguzi vizuri hivyo kuwafanya kutii viwango vya ukaguzi Kimataifa, ambavyo mafunzpo hayo yanalenga kuwajengea uwezo wakaguzi hao katika kazi hiyo.

Mkurugenzi wa Rasilimali Watu na Utawala, Bw. Gerald Mwanilwa amesema kwa kiasi kikubwa mafanikio ya Ofisi ya Taifa ya Ukaguzi imechagizwa na uamuzi wa dhati wa Rais Jakaya Kikwete, kuimarisha taasisi za utawala bora, maadili na udhibiti, ikiwemo NAOT.

Bw. Mwanilwa ameongeza kuwa Rais alifanya hivyo kwa kuboresha sheria, kuongeza uhuru wa Ofisi ya Taifa ya Ukaguzi, kuongeza uwazi wa taarifa za Ofisi hiyo kwa kupeleka Ripoti za CAG kwa mara ya kwanza Bungeni pamoja na kuboresha mazingira ya kazi.

Katika Uongozi wa awamu ya nne, imeanzishwa sheria ya Ukaguzi wa Umma, ambapo serikali ilitunga Sheria ya Ukaguzi wa Umma ya Mwaka 2008 pamoja na kanuni zake za mwaka 2009. 

Wakaguzi 65 kutoka Ofisi ya Taifa ya Ukaguzi na 24 kutoka wizara ya Fedha wanahudhuria mafunzo hayo ya siku tano yanayofanyika mkoani Morogoro.

 

Na Mwanaharakati.