AUDIO; BUNGE LA AHIRISHWA KWA MAMBO MAZITO TANZANIA

Shughuli zote za bunge la 11 mkutano wa saba zimekamilika rasmi, na bunge hilo limeahirishwa rasmi kwa serikali kukamia kudhibiti na kupambana na wahalifu, kuimarisha kitengo cha maafa na kutoa elimu kutokana na matukio mazito yaliyotokea nchini mwishoni 2016 na mwaka huu 2017.

Pamoja na waziri mkuu kuahirisha bunge hilo litakalorejea septemba 5 2017, mkutano huo wa saba kupitia mwanasheria mkuu George Massaju, umepitisha mswada wa marekebisho ya sheria mbalimbali wa mwaka 2017, uliosomwa na kujadiliwa kwa lengo la kuwa sheria za nchi. 

Katika hotuba yake kuhitimisha bunge hilo inayoendelea hivi sasa, waziri mkuu Kassimu Majaliwa, amesema kuwa serikali imesikitishwa na matukio yaliyotokea wakati bunge hilo likiendelea, ikiwemo vifo vya wanafunzi na walimu wao wa shule ya Lucky Visent mkoani Arusha, pamoja na mauaji hasa ya askari 8 waliokuwa kazini wilayani Kibiti mkoani Pwani.

Amesema kuwa tarehe 14 jun bunge lilipitisha azimio la kuunga mkono juhudi za rais juu ya rasilimali za taifa ikiwemo madini, kwamba hiyo ni hatua nzuri ya kuhakikisha watanzania na taifa kwa ujumla wananufaika na maliasili za nchi.

Amesema kuwa usalama wa raia na mali zao ni shwari na serikali kupitia bunge hiloinaahidi kupambana na uhalifu, ingawa wapo baadhi wanaotaka kuhatarisha usalama wananchi wenzao, na serikali inaendelea kuchukua hatua za muda mfupi na mrefu ili kukomesha hali hiyo.

...........MSIKILIZE WAZIRI MKUU HAPA..............

Bunge lilitarajiwa kufungwa wiki iliyopita, ingawa kwa makubaliano ya wabunge waliamua kuongeza siku tano kwa lengo la kuwezesha kujadiliwa miswada ya sheria.
 Na Mwanaharakati.