AUDIO; MADEREVA WALIOTEKWA CONGO WAPATIKANA KAGERA

Madereva kumi kati ya 21 wa Tanzania walikokuwa wametekwa mashariki mwa Jamhuri ya kidemokrasia ya Congo, wamefika Morogoro wakitokea mkoani Kagera.

Kwa mujibu wa afisa biashara mkoani Kagera Isahya Tendega, aliyezungumza na mwandishi wa macmedianews, amesema kuwa madereva hao kumi waliingia mkoani Kagera kupitia kwenye halmashauri ya Ngara, walipoingilia juzi tarehe 6/7/2017, baada ya kutekwa na kuachiliwa na kundi la Mai Mai.

Amesema kuwa madereva hao raia wa Tanzania, walitekwa wakiwa na malori yenye mitambo ya kuchimba madini, ambapo watekaji waliharibu malori yao kwa kupasua tairi na kuwanyang’anya vitu vyote walivyokuwa navyo, na hatimaye kuwaachilia, hivyo wameingia nchini kwa kutembea na kuomba misaada ya hapa na pale.

Madereva hao waliokuwa wakiendesha malori ya makampuni ya Alistair na Primefuel yote ya Tanzania, walitwkwa juni 29/2017 na kundi la wapiganaji wa Mai Mai, walipokuwa wakielekea kwenye mgodi wa Namoya kwenye jimbo la Mainiema mashariki mwa Congo,  unaomilikiwa na  kampuni ya Banro gold ya Canada.

Kwa mujibu wa taarifa ya wizara ya mambo ya nje ushirikiano wa kikanda na afrika mashariki, serikali inaendelea kufanya mawasiliano ya karibu na mamlaka za Congo, kwa lengo la kujua namna ya upatikanaji wa mali zilizoharibiwa, ilhali ikieleza kuwa madereva wengine 11 wameshapatikana, hisipokuwa waliokuwa bado wanatafutwa ndiyo hao waliopatikana mkoani Kagera. 

Na Mwanaharakati.