MADIWANI WATOLEWA NJE KWA KUPINGA KUCHANGA FEDHA ZA MWENGE.

Kamati ya baraza la madiwani katika halmashauri ya Bukoba  imelazimika kuwatoa nje madiwani watatu wa kata Bwendangabo, Rubale na kata Nyakato, baada ya kupinga suala la watumishi wa halmashauri hiyo kuagizwa kuchangia shilingi elfu 3,000 za mbio za mwenge.
 

Msemaji wa kundi la madiwani hao Daniel Damiani  ambaye pia ni diwani wa kata Nyakato, amesema kuwa madiwani hao wametolewa kutokana na msimamo wao wa kutokubali hoja ya malipo hayo, iliyotolewa kwenye kamati hiyo, ingawa zilishawahi kusambazwa barua za kuwataka watumishi kuchangia shilingi elfu tatu kila mmoja.
 .........BONYEZA HAPA CHINI KUSIKILIZA.................

.

Wakati huo huo tumishi katika halmashauri ya Bukoba mkoani Kagera, wametakiwa kufanya kazi kwa mujibu wa sheria katika kutumia fedha za kutekelezaji miradi mbalimbali ya maendeleo.

Hayo yamesemwa na mkuu wa wilaya ya Bukoba Deodartus Kinawiro, kwenye baraza la madiwani wa halmashauri hiyo.

Bw. Kinawiro amesema kuwa kuna baadhi ya watumishi katika halmashauri hiyo ambao wanafanya kazi kwa mazoea, hasa watumishi hao ushindwa kuzisimamia fedha zinazotolewa na serikali na kuelekezwa katika miradi ya idara zao.

Amesema kuwa serikali ya awamu ya tano haitamvumilia mtumishi yeyote , ambaye ataonekana kuwa mzigo kwa serikali, na kulitaka baraza la madiwani kuwachukulia hatua kali, watumishi ambao wataonekana kusuasua katika utendaji wa kazi zao.

Baraza la madiwani wa halmashauri ya Bukoba, madiwani wamewasilisha taarifa za maendeleo ya kata zao na kuzijadili.

 Na Mwanaharakati.