HIKI NDO KIFO CHA MWANAMUZIKI NGULI TANZANIA

Shaaban Dede aliyekuwa mkongwe katika muziki wa dansi nchini amefariki dunia leo Alhamis Julai 6/2017  saa mbili asubuhi katika hospitali ya Taifa ya Muhimbili alipokuwa amelazwa kwa matibabu katika kipindi cha wiki mbili. 

Mtoto wa marehemu, Hamad Dede amethibitisha kutokea kwa kifo cha baba yake. 

Hamad Dede amesema mipango ya maziko inafanyika nyumbani kwa marehemu Mbagala jijini Dar es salaam, na kwamba ratiba na taratibu zote zitatangazwa mara zitapokamilika kupangwa.

Marehemu Dede atakumbukwa kama mmoja wa wanamuziki nguli kutokea nchini Tanzania kwa sauti yake tamu na utunzi wa nyimbo mbalimbali zilizoshika chati akiwa na bendi mbalimbali zikiwemo Tabora Jazz, Bima Lee, Mlimani Park na Msondo Ngoma ambayo ameitumikia hadi mauti yanamkuta.

Na Mwanaharakati.