YANAYOJIRI CHATO, RAIS MAGUFULI ATOA SIRI YA SHUGHULI ZAKE

Rais wa jamhuri ya muungano wa Tanzania Dr. Pombe Magufuli, amesema kuwa hawezi kusahu alikotoka kwa kueleza kuwa aliuza furu, maziwa na kuchunga ng'ombe, kama sehemu ya maisha yaliyomwezesha kufika alipo, hivyo hataki kusikia watanzania wanaendelea kutahabika kama alivyotahabika.

Serikali kupitia mfuko wa Mkapa foundation,  imepanga kuajiri watumishi 104 wa afya katika mikoa ya Kagera, Geita na Simiyu.

Mwakilishi wa taasisi hiyo amemweleza rais wa jamhuri ya muungano wa Tanzania, kwamba pamoja na kuwezesha utaratibu wa watumishi hao, taasisi hiyo imejenga nyumba hamsini kwa gharamna ya shilingi bilioni 2.5.

Amesema kuwa nyumba hizo zitatumika kwa watumishi hao pamoja na wengine kwenye mikoa hiyo, zikiwa kwenye halmashauri ya Chato, Bukombe, Biharamulo na Maswa na zipo kwenye vituo vya afya 25.

Hatahivyo mfuko huo umeshajenga nyumba katika mikoa ya kusini zenye gharama ya shilingi bilioni 26.5.

Sherehe za makabidhiano zinaendelea wilayani Chato, na mgeni rasmi ni rais mstaafu wa awamu ya tatu Benjamin Mkapa, na kuhudhuriwa na rais John Pombe Magufuli, balozi wa Japan, waziri wa afya Ummy Mwalimu pamoja na wakuu wa mikoa ya Kagera, Simiyu na Geita.

 

Na Mwanaharakati.