CHADEMA WASISITIZA KUTOKUMBATIA VIONGOZI WAHUJUMU KAGERA;-

Mwenyekiti wa chama cha demokrasia na maendeleo CHADEMA mkoani Kagera Bwana WILFRED MUGANYIZI RWAKATARE, amewasihi wananchi kutokumbatia maovu katika jamii.

Amesema kuwa kumekuwa na tabia ya watu kuwabeba wanoujumu uchumi wa wenzao kwa kunufaisha familia zao, hivyo wananchi wametakiwa kuwatambua na kuwa makini na watu hao.

Bwana Rwakatare, amesema kuwa kinapofika kipindi cha uchaguzi wananchi wachague kwa umakini  kwa  kufanya tathmini kujua ni nani atawaletea maendeleo katika jamii, kwa kuhepusha kuwachagua watoa rushwa kwani mleta maendeleo anaonekana.

Ameongeza kuwa maisha kwa sasa ni magumu hivyo jitihada za wananchi ndizo zitanusuru taifa, hivyo waachane na hitikadi za vyama badala yake washirikiane kujishughulisha na kuwafichua wanaosadikika kufuja fedha za umma.

Hata hivyo Bwana Rwakatare amewakumbusha wananchi kushiriki kikamilifu katika suala sense litakalofanyika mwezi wa nane mwaka huu, kwa kuwataka wananchi kukubali kuhesabiwa sehemu yoyote watakayokuwa siku hiyo kwani ni taratibu za nchi.

Sensa ya watu na makaazi inatarajiwa kufanyika  usiku wa kuamkia Agost 25 mwaka huu, limeshazinduliwa katika mikoa ya Tabora, Dar es salaam na Mbeya.