KUNDI KUBWA LA WAISLAM LIMEJITOKEZA MAHAKAMA KUU MKOANI KAGERA WAKIPINGA WENZAO KUFIKISHWA MAHAKAMANI WAKISADIKIWA KUHAMASISHA KUGOMESHA WENZAO KUHESABIWA

Wakati sensa ikiingia siku ya pili nchini, baadhi ya watu walikamatwa baada ya kuanza zoezi la watu na makazi, ambapo taarifa zinasema kuwa wamefikishwa mahakamani kufunguliwa mashitaka, jambo ambalo limeibua hisia zza ndugu na jamaa kufika katika mahakama hiyo ili kujua hatima ya ndugu zao.

 Kwa mujibu wa kiongozi aliyejiita mwanahabari wa watu hao, mweye Kanzu ya kijivu na koti jeusi, amesema wanahitaji kujua ni kwanini mkoani Kagera vyombo vya dola vinatumia nguvu nyingi kuhusu wanaogomea zoezi la sensa. Amesema kuwa wanataka mkuu wa mkoa awasikilize na kujua nini kinawafanya wasikubali kuhesabiwa.

 Haya ni makundi ya watu hao ambapo kwa mbali wanaonekana akina mama wamejifunga hijabu wakisubiri kujua mahakama hiyo inasema kuhusu hilo.