WANANCHI WAMETAKIWA KUTEMBELEA HIFADHI YA RUBONDO ILI KUKUZA UTALII WA MKOA WA KAGERA

Akizungumza nami katika mahojiano maalumu, Afisa mhifadhi wa Kisiwa cha Rubondo kutoka Tanzania National Park TANAPA, Bwana MASSANA G. MWISHAWA, amesema kuwa kisiwa hicho ni cha kipekee na kina maliasili zilizohifadhiwa kwa umakini kwa malengo ya kuwanufaisha watalii wa ndani na nje ya nchi.

  Wakati huo huo Bwana Mwishawa amesema kuwa kutafanyika maonesho ya EAC mkoani mwanza, yakihusisha maonesho wa maliasili mbalimbali za taifa, hivyo wananchi wajitokeze kwa wingi kushuhudia vitu mbalimbali ambapo Rubondo imejipanga kuonesha vitu tofauti ili kuonesha ubora na umuhimu wa Kisiwa hicho.

Katika upande mwingine, amewataka wana Kagera kutambua kuwa si lazima mwananchi anayetaka kutembelea hifadhi hiyo kutegemea wadhamini, bali anaweza kujitokeza mwenyewe na kupanda magari yaendayo na kutoka mwanza, akifika barabara iendayo kisiwani huko ni rahisi sana kupata makazi ya muda pamoja na vyakula vya aina mbalimbali bila kusaau huduma nyingine za kibinadamu.