USALAMA BARABARANI IMEANZA KWA CHANGAMOTO YA WATEMBEA KWA MGUU KUTOJITOKEZA KUELIMISHWA

Ikiwa ni siku ya kwanza ya wiki ya nenda kwa usalama amabayo imezinduliwa rasmi ki-mkoa na mkuu wa mkoa wa Kagera Kanali mstaafu FABIAN MASSAWE, Camera yetu imeshuudia muitikio mdogo wa jamii ya watembea kwa mguu, ilhali hiyo ilikuwa fursa muhimu ya kujipatia elimu jinsi ya matumizi ya barabara.

 Wasukuma mkokoteni nao wameshiriki maandamano ya kuelekea sehemu maalum kwa ajili ya hotuba ya mgeni rasmi.

 Cha kushangaza ni wanafunzi tu, walioonekana kujitokeza na kubeba mabango yenye ujumbe kama unavyoona kwenye picha juu na chini.

 Mgeni rasmi kwenye maonesho hayo alikuwa mkuu huyo wa mkoa ambaye amesisitiza jamii kuzingatia sheria na taratibu za matumizi ya barabara ili kupunguza ajali zisizo za lazima, hata akavitaka vyombo vya usalama hasa wa barabarani kuendelea kutoa elimu juu ya matumizi ya alama za barabarani.

 Picha juu ni kutoka kulia ni mwenyekiti musalama barabarani YUSTO KABANTEGA, akifuatia mgeni rasmi katika maadhimisho mkuu wa mkoa FABIAN MASSAWE, RCO Bwana MATAGE, mkuu wa wilaya Bukoba Bi ZIPORA PANGANI na kushoto ni Kamishina Magereza YUSUPH KIMANJI.

Maadhimisho yamefunguliwa kwa maandamanao yaliyohusisha vyombo vya usafiri mbalimbali kutoka stendi kuu ya mabasi mjini Bukoba na kuhitimishwa kwenye uwanja wa Kaitaba.