MUHIMU SANA!!!HABARI KAMILI KUHUSU POLISI KURUSHA MABOMU MULEBA

Kamanda wa polisi mkoani Kagera SACP George Mayunga, ameuthibitishia mtandao huu, kuwa nikweli jana walifyatua mabomu ya machozi kuwatawanya wananchi waliokusanyika kuchukuwa mwili wa marehemu  ndugu yao kinyume na taratibu.

Mochwari ya Hospital ya Kaigara ikiwa imewekewa ulinzi mkali baada ya kuvamiwa na wananchi waliotaka kuchukua mwili wa mtoto aliyesafirishwa kutoka Arusha kuwa ulikuwa umekatwa baadhi ya viungo

Jeneza lenye mwili wa marehemu anayedaiwa kukatwa baadhi ya viungo vya mwili

 Amesema kuwa katika tukio hilo, ndugu wa marehemu walijitokeza kutaka kuchukua mwili wa marehemu huyo, binti aliyekuwa akifanya kazi za ndani mkoani Arusha, baada ya kufariki kwa kuanguka ghafla na kupelekwa hospitalini huko Arusha.

Amesema kuwa sababu ya ndugu hao kutaka kuchukua mwili huo, zilitajwa kuwa ndugu hao awali walilalamika kuwa nduguyao ameuawa na kunyofolewa baadhi ya viungo vyake, hivyo walitaka polisi na madaktari kufanya uchunguzi hadhalani jambo ambalo lilikataliwa na wataalamu, lakini badaye wananchi walijihisi kuwa wamekosea, na kuamua kuhitaji mwili huo ili wakazike bila uchunguzi.

Katika sakata hilo, mwandishi mmoja wa habari, ambaye kamanda alisema kuwa ni ndugu wa waliohusika, alijeruhiwa na kupatiwa matibabu Zahanati ya Kaigara baada kukiri kupigwa na polisi kuwa kwanini anapiga picha.

Mwandishi wa habari wa Mwananchi Shaabani Ndyamukama ambaye amekamatwa na kupewa kipigo na Polisi baada ya kufuatlia tukio la mtoto anayedaiwa kufariki na kukatwa baadhi ya viungo

Shaabani Ndyamukama akipata matibabu Hopsital ya Kaigara,Wilayani Muleba

Katika tukio hilo watu kadhaa walikamatwa kwa uchunguzi, na taarifa za sasa zinasema kuwa watu wasiojulikana wamechoma nyumba mbili, za mama aliyempeleka binti huyo Arusha.
Na Mwanaharakati.