TAARIFA NA PICHA YA VIFO VYA WANAJESHI KWA AJALI KIGOMA

Hii ni kamati ya ulinzi na usalama ikitembelea majeruhi wa ajali wakiwa wodi namba 7 katika hospital ya mkoa wa Kigoma wakiendelea kupatiwa matibabu.

Taarifa kutoka mkoani humo inasema kuwa VIJANA sita  waliokuwa  katika mafunzo ya kijeshi ya kujitolea katika kikosi cha 821 JKT Bulombora,  wamefariki dunia na wengine 21 kujeruhiwa vibaya kutokana na ajali ya gari iliyotokea jana jioni. 

Mganga Mfawidhi wa hospital ya mkoa wa Kigoma Mawezi Dkt. Fadhil Kibaya amethibitisha kutokea kwa ajali hiyo.  

"Ni kweli leo majira ya saa moja jioni tumepokea miili minne ya vijana wa JKT ambao waliketwa hapa tayari wamefariki na majeruhi 21. "Wengine wa wawili wamefariki hapa hapa wakati tukiendelea kuwapa huduma"alisema Dkt Fadhili. Hali za majeruhi mpaka sasa siyo nzuri sana kwani wengi wameumia sehemu za kichwa na mwilini.  

"Bado tunaendelea na jitahada za kuwapatia matibabu na majina ya waliopoteza maisha pamoja  majeruhi tutatoa kesho, sababu majeruhi wengi hawana fahamu". 

Naye kamanda wa polisi mkoa wa kigoma Ferdinand Mtui alisema chanzo cha ajali hiyo ni gari hilo la jeshi kushindwa kupanda mlima na kusababisha tairi mbili za nyuma kupasuka.  

Huku akisema kuwa ajali hiyo imetokea katika eneo la Kasaka karibu na mizani ambapo lori  hilo la jeshi lilikuwa likitoka mjini kwenda kambini likiwa limebeba makreti ya soda na unga.

Na Mwanaharakati.