HATUA MPYA JUU YA HALI TETE YA MAJI KAGERA

Mkoa wa Kagera unaendelea na utambuzi wa maeneo yenye uhitaji ya miradi mikubwa ya maji, na tayari umetenga shilingi bilioni 6 na milioni 36  kwa ajili ya utekelezaji wa miradi 22.

Fedha hizo zimetengwa katika mwaka wa fedha 2017/18, utakaoanza utekelezaji wake Julai mwaka huu.

Akizugimza na mwandishi wa mtadao huu, mhandisi wa maji mkoani Kagera Avitus Exavery, amesema kuwa miradi hiyo itatekelezwa katika halmashauri zote nane mkoani humo, na kati  ya miradi  hiyo mradi wa Kyerwa umepewa kipaumbele na unatarajiwa kutumia shilingi milioni 800, kwa ajili ya usanifu na utahudumia vijiji 57 vyenye wakazi laki moja na elfu 26.

Amehitaja  baadhi ya miradi mingine  itakayotekelezwa, kuwa ni  katika vijiji vya Nyakabulala, Kyamalange, Kashenge, Omurunazi, Kiteme na Kigazi, vya halmashauri ya Muleba na Bukoba.

Mhandisi Exavery  amewataka wananchi  kutoa ushirikiano kwa halmashauri husika, ili kuweza kuibua miradi ya maji katika maeneo yenye uhitaji zaidi, pamoja na kuhakikisha wanatunza miradi hiyo, ili kuepukana na uharibifu  ambao umekuwa ukijitokeza.

Na Mwanaharakati.